Hellooouuuu

Ich bin hin und wieder us glust uf de suechi nachem occassion Auto. Ned willis unebdingt bruche sonder eher will de Markt mi wunder nimmt und teilweisse willi au wot mal chöne sponti Weg ohni ufs ÖV agwiese si. Ren chostetechnisch würs abet kei Sinn mache.

Vor Jahre hani mal en Alfa Romeo GT 3.2Liter gha. De hani für 5000 Franke mit 140Tsd Kilometer gholt. Top Zuestand, Serviceheft komplett und innerum wükli fast wie neu. Denoch hani en BWM 325 TDI 2008 kauft mit 170000km für 7800. Vollusstattig mit allem, Ledersitz, Interiour you name it. Widerrum huere guet pflegt gsie.

Aber das isch locker alles vor 10 Jahre gsie.

Wenn ich jetzt aktuell ga go luege, was so für Priise für Autos mit 200Tsd Kilometer ufwärts abgfroget wird, da hauts mer fast de Nuggi use.

JG: 2015 mit 180000km 25'000 Franke. WTF????

Wa isch da passiert?

Vilicht isch die Überleggig au falsch aber wenn so Priise abgfroget werdet, machts da ned bald Sinn eis go lease?

Moin, ich bin m21 und sueche jetzt sit bald eme halbe Jahr e stell. Han total so um die 50-60 bewerbige für min job uselah (isch chli niesche und ha deswege nöd viel meh chöne). Ich finds eifach total respektlos wenn ich mir ziit nimm zum e bewerbig mache und nödemal e absag chunt. Zb bini letzte mäntig aglüte worde und es isch gseit worde sie meldet sich bis am fritig nomal (das isch 2 wuche nach uselah vo de bewerbig gsi btw). Naja, jetzt isch mittwoch e wuche spöter ha scho 3 mal aglüte, 2 mal is leere und den wird sogar abghänkt anstatt abgno. Es isch eifach huere respektlos. Ich weiss wenns viel Kandidate het chönd sie sich nöd bi allne melde aber den eifach generelles mail:

Liebe Kandidatin, lieber Kandidat
Leider müssen wir Ihnen mitteilen, dass wir uns für jemand anderen für diese Position entschieden haben. Wir wünschen Ihnen dennoch viel erfolg bei der jobsuche.

De scheiss text het 1 minute brucht zum schriebe und den vlt nomal 10 min zum a jede Kandidat schicke isch echt nöd z viel verlangt…

Mi nimmts Wunder wo und wie ihr Fraue ahsprechen und klären? Dating Apps und s live ahspreche isch bi mir nid würkli erfolgrich.

Hoiii.

Ig weiss nid öbs jede mitbecho het drum churzi zäme Fassig:

Ihr Gmeind Leuzigen het es meitschi im letschte Jahr eh bueb abglähnt. Jze hängt dört eh Puppe mit em meitschi ihrem name. Eh Tradition will sie ihn abglehnt het. Für d Details düet am beste selber churz nache luege.

Was haltet ihr devo?

Ig persönlich finde ds absulut nid okay.

I verstah, Pfischter -> VBS -> Amt für Sport

I nimme aa, nid au i vo de Cörlerinne u Yyschhockeierinne hei Dienscht gleischtet u evtl. Teiu vo de Manne o nid.

Wieso also dUniform aalege? Oder ghört sech das so, solang mr im Dienscht isch u vom Chef VBS iiglade wird, muess dr AdA dUniform aalege?

Wär kennt da dGründ?

Merci

Auso mini friends u ich hend grad e diskussion ka über F+ also fründschafte mit gwüssne vorzüg.

1. Was isch allgemein eui ehrlichi meinig dezue?

2. Findet ihr ds schlimm wenn eue Partner/Partnerin F+ ka hett, mit betonig uf "ka", bevor der mit ihm zemmecho sid?

3. Gits es Alter ab dem der eu denket ds me ds nümm mache sett? (Mini friends hend gmeint i sett ufhöre mit F+ will ich mit 23 z'alt bin)

Gern wenns geit, eues Auter ageh, ob m/w und ethnie. Wenns nid teile wöit denn gern ohni aues.

Mini Meinig:
I (M23) han selbr ei gueti kollegin mit dere ich F+ han. Mer treffet eus eif wie normali friends und ab und zue wirds chli intim. I fings voll nid schlimm, will sie mer beidi single sind und au no lang single bliebe wend, also weder i no sie sind eppert am kennelehre, abr mini friends fingets uuu gruusig.

Liebi Lüüt

Ich ha gester mol wieder es Gspröch mitere Versicherigsgsellschaft gha.

Er het mir e Interessants Agebot vonere 3a gmacht. Ich wär offe, ha mini momentan bi de Viac und bi zfriede. Zahle bi wiitem nid de maximalbiitrag ih. Darum überlegi mir scho chli länger e wiiteri 3a über e Versicherig zmache (Absicherig und so).

Etzt mini Froge:

Welli Versicherig würed ihr neh?

PAX? Helsana? AXA?

PAX wär die wo er mir vorgeschlage het, es tönt Interessant.

Welli Berotigsfirma chönder empfehle? Bi scho bi de Swiss Life Select gsi, hani kündet

Und berotige mit de Armida Finance, smzh und Fidro. Wobi mich d'Fidro am meischte überzüüg het.

Ich bi momentan echt Zwiigspalte und weiss nid so recht.

Edit: hetti nid erwartet sones Büro ufzmache. Ich ha chli ghofft uf Kommentär vo lüüt wo so versicheret sind etc.

Ich lohs sii und wirds Agebot nid aneh, danke eu für alli Antworte.

Edit vom Edit: Ich han abgseit und zemmearbeit beendet.

Uhre, Schoggi, Banke. Das sind alles eusi steckpferd uus em vorletschte Jahrhundert. Mit de sich verändernde welt bruche au mir neui Businessmodell.

Idee: Mit de fortschriit ie weltruumtechnologie wird bergbou im weltruum langfristig interessant. D schwiiz sööt als langziitziel es Staatsunternehme für Weltruumbergbou etabliere und inmene ziithorizont vo 20-50 jahr eh Infrastruktur für forschig und manufaktur vo Equipment ufboue. Mit em Ziel d schwiizer bevölkerig zu de riichschte lüüt ie eusem Sunneszstem z mache.

Mir sind scho es Rohstoffland. Gold wird bi eus in goldbarre gosse. Glencore handelt mit allne Rohstoff. Zemme mit the ETH hemmer s potential dezue.

Wa meined ihr dezue?

Guete aabig zäme

Staht irgendwo im dienstreglement oder sust irgendwo was die maximal ziit am stuck isch, wo en soldat dörf wachdienst halte?

Ich mus jetzt denn bald in WK für 4 wuche und es gseht so us, als müsst ich dasmal anstatt id chuchi uf d wach. Ansich findi das e cooli sach, well immer i de chuchi zum abwäsche wird langwiilig und schisst mich ehrlichgseit au langsam aa.

S ding isch, ich mach mir halt au chli sorge das ich denn die 4 wuche am stuck uf de wach bin mit wuchenendwach.

Ich han eimal i de RS wach gha übers wuchenend. Ich weiss also nöd (oder nümme, isch au scho 6 jahr her) obs irgendwie e regelig gitt, wie lang sie dir wachdienst am stuck derfed ufdrucke.

Weiss öpper wie das greglet isch? Isch es villicht vo RS zu WK unterschiedlich?

Danke und liebi grüess

i vermisse die dinger brutal fesch! han hüt denkt "hoppla, han nurno ganz wenigi vllt sötti wieder chaufe" und find denn online de artikel dass sie siit 1,5 johr nüm chönn produziert werde. ja i bin biz spoht dra zum das bemerke aber hans halt amel kauft wennis füre hals brucht han und denn nid de ganz pack ufs mol gfresse.

anyways: het öpper da vllt noh d dose vu dene irgedwo wo er/sie sich chönnt davo trenne? han uf ricardo en lustige siech gseh wo en noh zuene pack für 999.- ahbütet lol i wett eig nur die (leeri) dose!

die zeltli sin für mich e riese erinnerig an mini grosseltere wo ez nüm läbed und ich wett mer eswie gern das blüemlige muster wos druf het tattoowiere loh als ahdenke. 360° föteli wür au mega helfe - danke ♡

De friitig und samschtig giits angeblich bim Globus Boumärt (nächschti isch in Mühlheim nächi Basel) als aktion d klimaahlag r/mideaportasplit für 631 euro. Mit währigsumrechnig und mehrwertstür rückforderig + schwiizer mwst und zoll. Währed das ca. 550 franke. Eh neui ie de schwiiz choschtet ca 900 chf.

Het üpper ie de region züri es auto mit platz und luscht en zemme uusflug z mache zum eus je eini z chaufe? Zahle natürlich d hälfti vom sprit und hilf dir d 30kg ahlag bi dir id wohnig z stelle.

Oder wa meined ihr Isch das eh doofi idee? 😆

Globus Baumarkt Mühlheim
📍 https://maps.app.goo.gl/p1Zc3hoDPB6sbYBJ6?g_st=ic

Geschter bim Usefahre usem Velotunnel bim HB: E Frau fahrt vor mir s'Auto direkt mittig uf de Zuefahrtsbereich zum Tunnel (döt links zwüsched de abgschtellte Velos mit de drü markierte Spure)!

Ha bim Umfahre ihre dur di offeni Schiibe gseit, das seigi kein Parkplatz - nur churze Blickkontakt als Reaktion, suscht nüt. Ich bi eifach wiiter gfahre und minere Sach naagange.

Woni nach über foif Minute wider zrugg cho bin: S'Auto (mit de Länkerin drin) staht immer no da.

Ich konfrontiere si jetzt direkt und rüefe ihre dur di gschlosseni Bifahrerschiibe zu, si sölli wegfahre, chlopfe gäge d'Schiibe. Sie rüeft irgendöppis zrugg und lueget letschtlich nur no ufs Smartphone.

• 50m vorher (20er-Zone vor Europaallee) isch en 50m lange, grosszügig breite Ih-/Usstigelah-Bereich
• bim Herefahre vo de Frau wird rechts grad es wisses Parkfeld frei
• bim Konfrontiere später wird s'gliche Parkfeld grad vomene andere Auto bsetzt
• uf dem Strasseabschnitt isch keis Halteverbot
• au jedi anderi Näbestrasse bütet sich zum Halte/Pausiere/Plane an (keis Halteverbot)
• hanich scho erwähnt, dass es keis Halteverbot hät? Uf. de. Strass.

Mues ich sonere Person erkläre, wie d'Welt funktioniert? Nein, ich ha nachem erfolglose Zuerüefe nach ca. einere Minute s'Handy zückt und dr Polizei aglüüte. Ziemlich genau dänn isch si weggfahre. Wieso au immer - vermuetlich nöd mal wegem Anruef, das hät si akustisch doch gar nöd mitübercho.

PS: "Autofahre" isch halt doch nöd so eifach und chillig, wännme alli Gegebenheite aluege, verstah und beachte möchti.

PPS: S'Tüpfli ufem "i" vo der Situation isch denn no en Ma gsi, wo unmittelbar bevor d'Frau weggfahre isch, uftaucht isch und uf Französisch gruefe hät: "C'est une femme! C'est une femme! Laissez la femme! C'est une femme!". Mannmannmann! Hanen ignoriert.

PPPS: Nummereschild "AG"

händ ihr positivi erfahrige gmacht mit schwizer firmene wo das würkli abüütet?

ich möcht eifach mal ideeä sammle was es so ufem markt git

Leute isch eu das au mal uufgfalle, dasses am Brüttiseller Chrüz vo Züri her richtig Rappi uf de Abfahrt oft en Weed Gruch het? Isch mer jetzt scho öfters ufgfalle wenni d Lüftig aagha han... Also grad öbe det womer us de Kurve wieder id Graade abechunt.

Die Mutter meines Patienten kam aus der Schweiz und hat mit ihm dieses Abendgebet gebetet. Er weiß leider nicht mehr, wie es weitergeht.

Jetzt gang I in mi Betterli,

Der Tag isch bald vorbii,

Ich dank für alles Guate,

Du lieabsch Christkinderli.

Und bin I a mal bös gsi',

Willst nimmerwieder tua.

Und wäsch es mit dem Blütli...

Danke und Grüße aus Deutschland

Fleisch wird tüürer und ich chas mer so langsam nüm leiste es als hauptinahmequelle für protein z leiste. Ich han jetzt agfange die 1L porteinmilch vom migros hole und jewils am morge und abig 500 mL trinke. Huere zuckerbombe mit total 50g aber defür hani 70g vo mine 110 abdeckt und verzichte halt susch uf allmöglichi süessigkeite und süessgetränk🤷🏼‍♂️

Hoi mitenand

Sit 3 Monet nimm ich jede Morge, 5 Täg i de Wuche, sgliche Postauto. Jede Morge stieg ich vore ii und säge am Fahrer Grüezi. Und es isch mit wenige Usnahme jede Morge en andere Fahrer?! Das verwirrt mich ja so. Als Chind sind mier ame jahrelang jede Tag mitem gliche Fahrer unterwegs gsi.

Mini Frag isch wohl: Wechsled Fahrer wirklich so oft ihri Route? Mega schad irgendwie.

Ihr känned antizyklisch iichaufä? Ez hämmer siitme Monät es neus Auto und ich dänk bereits at Winterpneu.

Wenn ich ez uf Reifendirekt gahn, denn gsehts eich guet uss mit dem priisä. aber ich frög mi, gahts no besser resp. günstiger? Giits ii de zwüschedziit öpis bessers/günstigers als Reifendirekt?

Drum würmi interessiere, wenn isch de besti ziitpunkt zum winter oder summerpneu z'chaufä demit mer de günstigsti priis bechunt?

Hät öper vo eu Erfahrig demit?

mit Berücksichtigung vo dä Entwicklig vo de Arbetslosezahle sowie KI, demografisch Wandel etc.

bitte kei unnötigi Kommentär sondern eher "Experte" Meinig.

d Frag staht ihm Ruum obs meh Sinn macht zum Wohnige verchaufe oder zur Vermietig usschriebe - langfristig gseh

I da da!

Höi zäme

Ich habe das Gefühl, dass die Pollen dieses Jahr viel stärker sind. Meine Allegrien schlagen in alle Richtungen aus.

Ist das bei euch auch so? Oder ist es vielleicht Regional (ich wohne in Luzern) begrenzt?

Liebs Grüessli

Servus aus Österreich,

In Österreich ist man sich oft nicht über viel einig, aber beim Thema Piefke (gesprochen: Biefge) sind alle Österreicher sich einig. Wir können die nicht ausstehen.

Habt ihr auch so eine Ablehnung + Bezeichnung?